SON DƏQİQƏ! Çox sayda deputat "Gürcü Arzusu"nu tərk etdi
Gürcüstan parlamentinin deputatları - Giorgi Xocevanişvili, Beka Liluaşvili, Ana Buçukuri, Aleksandre Motsereliya, Mixeil Dauşvili və Şalva Kereselidze hakim “Gürcü Arzusu – Demokratik Gürcüstan” partiyasından istefa veriblər.
Aktual.ge xəbər verir ki, bunu G.Xocevanişvili az əvvəl keçirdiyi brifinqdə bildirib.
Onun sözlərinə görə, 6 nəfər bu gündən müstəqil deputat kimi fəaliyyət göstərəcək və keçmiş baş nazir Giorgi Qaxariyanın komandasına qoşulacaq.
Yayılan məlumatlara əsasən, G.Qaxariya partiya yaratmağı planlaşdırır.
Qeyd edək ki, G.Qaxariya 2019-cu ilin sentyabrından bu ilin fevralın 18-dək Gürcüstanın baş naziri olub. 46 yaşlı siyasətçi hökumət başçısı vəzifəsindən istefa verməklə yanaşı hakim partiyanın sıralarını da tərk edib. O, siyasi fəaliyyətini davam etdirmək niyyətində olduğunu bildirib.