Bu həftədən etibarən Gürcüstanda restoran və kafelər həftəsonları da fəaliyyət göstərəcəklər.

Aktual.ge xəbər verir ki, bu barədə qərar İdarələrarası Koordinasiya Şurasının iclasında qəbul olunub.

Qərara əsasən, ictimai iaşə obyektləri şənbə-bazar günləri müvafiq qaydalara uyğun olaraq müştəriləri yalnız açıq havada qəbul edə biləcəklər.

Qeyd edək ki, bu günədək ölkədə kafe və restoranların həftəsonları işləməsi qadağan idi, onlar yalnız çatdırılma xidməti göstərirdilər.