Misir cinayət ierarxiyasında yüksək mövqe tutan gürcüstanlı "qanuni oğru" David Gerlianini Rusiyaya ekstradisiya edib.

Aktual.ge xəbər verir ki, bu barədə Rusiya Daxili İşlər Naziriyinin rəsmisi İrina Volk deyib.

Rusiya DİN-in məlumatına görə, Gerliani 2014-cü ildən kriminal lider sayılır. Gürcüstanlı avtoritetin yaratdığı cinayətkar qruplaşmanın sahibkarlardan haqq aldığı bildirilir.

2021-ci ilin aprelində Gerliani haqqında qiyabi hökm çıxarılıb. Bu ilin martında isə Misir polisi tərəfindən saxlanılıb.