"Aşağıdakı faktı da xatırlatmaq istərdim. 2021-ci il oktyabrın 1-də qeyri-qanuni olaraq ölkəyə gizlicə giriş edən keçmiş prezident Saakaşvili elə gizlicə həbs olundu, onun yeganə məqsədi ölkədə ikinci inqilab etmək idi".

Aktual.ge məlumat verir ki, bunu Baş nazir İrakli Qaribaşvili Parlamentdə deputatların suallarını sorğu-sual üsulu ilə cavablandırarkən deyib.

Hökumət başçısının fikrincə, Saakaşvili hesab edirdi ki, Gürcüstanda inqilab olmalı, qan tökülməli, hökumət devrilməlidir.

“Onun [Mixeil Saakaşvili] mimetik hesablamalarına görə, inqilab olmalı, qan tökülməli, zorakılıqla hakimiyyəti devrilməli, seçkiləri pozmaq gerək idi. Saakaşvilinin ölkəyə girişi yaxşı xatırladığınız kimi, Rusiya ilə Qərb arasında danışıqların davam etdiyi ərəfəyə təsadüf edirdi. Bu vaxt bizim tərəfdaşlarımızdan Ukraynada müharibənin noyabr və ya dekabrda başlayacağına dair başqa məlumat da var idi, o vaxta qədər bir neçə ay təxirə salınmışdı. Çünki Rusiya ilə Qərb arasında davamlı ünsiyyət hökm sürürdü. Mən bu dövrü təsadüfən söyləmirəm, elə bu vaxt birbaşa Saakaşvilinin ölkəyə daxil olması və onun hökuməti devirmək, çevriliş və inqilab niyyəti ilə üst-üstə düşür. Bunu bir neçə aydan sonra Ukrayna hökumətinin bəyan etdiyi məqsədlə, onların hərəkətləri ilə əlaqələndirsək ki, onların vəzifəsi Gürcüstanda ikinci cəbhə açmaq idi, məncə, heç bir ağlabatan adamın bunlara heç bir şübhəsi qalmaz və sualı olmaz. Bəli, Saakaşvilinin ölkəyə daxil olmasının məqsədi Gürcüstanda müharibənin başlaması üçün fon hazırlamaq. Təbii ki, bu plan iflasa uğradı, ölkəmizin daxili və xarici düşmənləri uduzdu”, - İrakli Qaribaşvili deyib.