Mübariz Qurbanlı: Gürcüstanda İlahiyyat İnstitutuna aid mədrəsə açıla bilər
26.09.2023 12:14
921
Din
A
Mübariz Qurbanlı: Gürcüstanda İlahiyyat İnstitutuna aid mədrəsə açıla bilər

“Gürcüstanda Azərbaycan İlahiyyat İnstitutuna aid mədrəsənin açılmağı məqsədəuyğun olardı. Çünki ən vacib məsələlərdən biri kadr məsələsidir".

Aktual.ge xəbər verir ki, bunu Azərbaycanın Dini Qurumlarla iş üzrə Dövlət Komitəsinin (DQDK) sədri Mübariz Qurbanlı Tbilisidə jurnalistlərə açıqlamasında bildirib.

Onun sözlərinə görə, məsciddə çalışan imamın hansı yerdə təhsil alması çox vacibdir: "Azərbaycan dünyəvi dövlətdir və Azərbaycan İlahiyyat İnstitutunun hazırladığı kadrlar dünyəvi xarakterli prinsipləri mənimsəmiş kadrlardır. Onlar hər hansı bir məzhəbin üstünlüyünü öz xütbə və moizələrində təşviq etmirlər".

Dövlət Komitəsinin sədri bildirib ki, Azərbaycan İlahiyyat İnstitutunda hazırlanan kadrların gələcəkdə Gürcüstanda fəaliyyət göstərməsi soydaşlarımız arasında radikal, ekstremist, eyni zamanda məzhəbçi təbliğatın qarşısının alınmasına xidmət edəcək.

Qeyd edək ki, Dini Qurumlarla İş üzrə Dövlət Komitəsinin sədri Mübariz Qurbanlının rəhbərlik etdiyi nümayəndə heyəti Gürcüstanda səfərdədir.

ŞƏRH YAZ
5