Ötən axşam Marneulidə 1 nəfərin ölümü ilə nəticələnən qəzanın görüntüləri ortaya çıxdı - VİDEO
Marneuli rayonunun Baydar kəndində ötən axşam bir nəfərin ölümü ilə nəticələnən ağır yol nəqliyyat hadisəsi baş verib.
Aktual.ge-nin verdiyi xəbərə görə, qəza nəticəsində avtomobil təmircisi Tsereteli kənd sakini yüksək surətlə ağaca cırpılaraq dünyasını dəyişib.
Belə ki, Marneuli rayonunun Tsereteli kəndində avtomobil təmircisi ötən axşam təmir etdiyi "BMW 3 series 36" markalı avtomobili test etmək üçün sürürmüş, ancaq yüksək surətlə o, Baydar kəndində ağaca cırpılıb və nəticədə həyata gözlərini yumub. Yol qəzasının 15 oktyabr təqribən saat 23:00 radələrində baş verdiyi öyrənilib. Qəza hadisəsindən sonra təqribən 3 saat ərzində Fövqaladə Hallar İdarəsinin əməkdaşları onun nəşini maşından çətinliklə çıxarıblar.
Kadrlardan da görüldüyü qədəri ilə maşın tamamilə yararsız hala düşüb.
Faktla bağlı araşdırma davam edir.