İlk dəfə açıqladılar: Azərbaycanın quru sərhədləri buna görə bağlıdır
02.04.2024 18:20
4176
Siyasət
A
İlk dəfə açıqladılar: Azərbaycanın quru sərhədləri buna görə bağlıdır

“Sərhədlərin bağlanmasıyla bağlı qərar özünün doğruluğunu getdikcə daha çox isbatlayır. Çünki dünyanın olduqca böyük təhlükələrlə qarşı-qarşıya olduğunun fərqindəyik”. 

Aktual.ge xəbər verir ki, bunu Azərbaycan Milli Məclisin üzvü Elman Nəsirov sərhədlərin açılması ilə bağlı suala cavab verərkən deyib.

Deputat qeyd edib ki, hazırda Azərbaycan üçün ən ciddi təhlükələr məhz xaricdən gələ bilər: 

“Cənab prezident parlamentdəki andiçmə mərasimində də qeyd etdi ki, bizdə daxildən heç bir təhdid və təhlükə yoxdur. Bizə təhdidlər 2 istiqamətdən, ideoloji və sərhəddən gələ bilər”. 

O, Rusiyanın paytaxtı Moskvada baş verən terror aktlarını misal göstərərək, sərhədlərin bağlı qalmasının vacib olduğunu qeyd edib:

“Mənə elə gəlir ki, bundan sonra dünyada terror aktlarının sayı artacaq. Çünki dünya bu gün qlobal qarşıdurmaya gedir. Bundan isə ən çox terrorçular istifadə edir. Sərhədlər qapalı olduqda təhlükəsizliyin təmin olunması imkanları daha da genişlənir”.

ŞƏRH YAZ
27