İrakli Qaribaşvili meydanalara çıxdı və gündəmlə bağlı sərt danışdı
20.04.2024 15:50
507
Siyasət
A
İrakli Qaribaşvili meydanalara çıxdı və gündəmlə bağlı sərt danışdı

"Şəffaflığa qarşı çıxan hər kəsin demokratiya və ölkəmizin demokratik inkişafı ilə heç bir əlaqəsi yoxdur - bir çox aksiyaların arxasında tanınmış aqressiv təşkilatlar dayanıb".

Aktual.ge xəbər verir ki, bunları hakim "Gürcü Arzusu"nun sədri İrakli Qaribaşvili Şida Kartli bölgəsində partiyanın yerli üzvləri ilə görüşdən sonra jurnalistlərə müsahibəsində deyib.

Onun sözlərinə görə, o, qeyri-hökumət təşkilatlarının maliyyələşməsi ilə bağlı avropalı həmkarlarına tez-tez narazılığını bildirib.

“Şəffaflığa qarşı çıxanın demokratiya və ölkəmizin demokratik inkişafı ilə heç bir əlaqəsi yoxdur. Mən bir sual vermək istəyirəm, bu məşhur böyük QHT-lər xaricdən maliyyə alması məqbuldurmu? Mən baş nazir olanda tərəfdaşlarımızla, dostlarımızla bu barədə açıq danışmışam. Narazılığımı açıq şəkildə bildirdim. Mən dəfələrlə onlara birbaşa demişəm, bəyənmirəm, xoşumuza gəlmir ki, sizin dövlət təşkilatlarınız, fondlarınız bu radikal gündəmlə məşğul olan QHT-ləri maliyyələşdirir. Onlar pis iş görüblər və bunu davam etdirirlər. Mənim mövqeyim belə idi və belədir, əlbəttə ki, bu pullar dağıdıcı, anarxist, ekstremist aksiyaların təşkilinə yönəldildiyində və bu pullar dövlətə qarşı yönəlmiş ideologiyanın yayılmasına istiqamətləndiyində bizim üçün qəbuledilməzdir. 

Həddən artıq aksiyaların arxasında xaricdən maliyyə alıb bu pulları hökumətə, hakimiyyətə və xalqa qarşı təşviş, iğtişaş və xaos gətirmək üçün istifadə edən tanınmış aqressiv seçilən təşkilatlar dayanıb.

 Bu qəbuledilməzdir. Əgər bu pullar xeyirxah işlərə sərf olunursa və buna misallar varsa, əlillərin hüquqlarını qoruyan bir neçə qurum varsa, mən onları demirəm. Amma faktiki siyasi partiyaların fəal təmsilçiləri və peykləri olan təşkilatlar adı altında maskalanan təşkilatların fəaliyyəti təbii ki, şəffaf deyil. Onlar digər QHT-ləri nüfuzdan salırlar, bu, problemdir, dostlarımızı və tərəfdaşlarımızı incidirlər. Bu gün ölkədə demokratiya var, hər bir vətəndaşın konstitusiya ilə təmin olunmuş öz fikrini, etirazını bildirmək hüququ var və hakimiyyət bu insanların hüququnu qoruyur və gələcəkdə də qoruyacaq.

Əgər kimsə, hansısa partiya Avrointeqrasiya yolunda həqiqətən nəzərəçarpacaq irəliləyiş və nəticələr əldə edibsə, o qüvvə kimdir? - Bu, 'Gürcü Arzusu'dur. Mən gənclərə müraciət etmək istəyirəm, 2012-ci ilə qədər ölkədə vəziyyət necə idi, xatırlamırsınızmı? Avropaya yalnız elita səyahət edirdi. Avropalı həmkarlarımızla dialoq lazımdır. Bu, canlı bir proses olmalıdır ki, yanlış təsəvvürlər və hisslər qalmasın”, - İrakli Qaribaşvili qeyd edib.

ŞƏRH YAZ
18