Gürcüstanın ən böyük ticarət tərəfdaşları: Türkiyə, Rusiya və Çin
21.06.2024 00:45
322
İqtisadiyyat
A
Gürcüstanın ən böyük ticarət tərəfdaşları: Türkiyə, Rusiya və Çin

2024-cü ilin yanvar-may aylarında Gürcüstanda mal ticarətinin xarici dövriyyəsi (bəyannaməsiz ticarət istisna olmaqla) 8.432 milyard ABŞ dolları təşkil edib ki, bu da ötən ilin müvafiq dövrü ilə müqayisədə 2.2 % azdır. Bunun 2.274 milyard ABŞ dolları ixrac (9.2 % azalma) və 6.158 milyard ABŞ dolları idxal (0.7 % artım) təşkil edir.

Aktual.ge xəbər verir ki, bu barədə Gürcüstanın Milli Statistika Xidməti məlumat verib.

Statistikaya əsasən, 2024-cü ilin yanvar-may aylarında Gürcüstanın mənfi ticarət saldosu 3.884 milyard ABŞ dolları təşkil edib ki, bu da xarici ticarət dövriyyəsinin 46.1%-ni təşkil edir. Eyni məlumatlara görə, ixracın 66.8%-i MDB ölkələrinə, 9.1%-i Avropa İttifaqına və 24.1%-i digər ölkələrə aiddir. İdxala gəldikdə isə, məhsulların 26.5%-i Avropa İttifaqından, 21.2%-i MDB ölkələrindən və 52.3%-i digər ölkələrdən daxil olur.

Statistika xidmətinin məlumatlarına görə, 2024-cü ilin yanvar-may aylarında on ən böyük ixracatçı tərəfdaş ölkənin Gürcüstanın ümumi ixracında payı 79.7% təşkil edib. Ən böyük üç ixracatçı ölkə belədir: Qırğızıstan (360.2 milyon ABŞ dolları), Qazaxıstan (274.8 milyon ABŞ dolları) və Rusiya (273.1 milyon ABŞ dolları).

2024-cü ilin yanvar-may aylarında on ən böyük idxalatçı tərəfdaş ölkənin Gürcüstanın ümumi idxalında payı 68.3% təşkil edib. İlk üçlükdə: Türkiyə (1.078 milyard ABŞ dolları), Rusiya (731.0 milyon ABŞ dolları) və ABŞ (601.4 milyon ABŞ dolları) yer alır.

2024-cü ilin yanvar-may aylarında on ən böyük ticarət tərəfdaşının Gürcüstanın ümumi xarici ticarət dövriyyəsində payı 67.1% təşkil edib. Ən böyük ticarət tərəfdaşları isə: Türkiyə (1.254 milyard ABŞ dolları), Rusiya (1.004 milyard ABŞ dolları) və Çin (691.6 milyon ABŞ dolları) olmuşdur.

ŞƏRH YAZ
8