Səfir kameralar qarşısında açıqladı: Gürcüstanın Aİ-yə üzvlük prosesi dayandırılıb!
09.07.2024 10:58
443
Siyasət
A
Səfir kameralar qarşısında açıqladı: Gürcüstanın Aİ-yə üzvlük prosesi dayandırılıb!

"Təəssüf ki, Avropa İttifaqı ölkələrinin liderləri Gürcüstanın Avropa İttifaqına üzvlük prosesini dayandırmağa razılaşıblar".

Aktual.ge xəbər verir ki, bunu Avropa İttifaqının Gürcüstandakı fövqəladə və səlahiyyətli səfiri Pavel Qerçinski Tbilisidə keçirilən “Aİ-nin Genişlənməsi - Aİ-yə namizəd ölkələr üçün geosiyasi ehtiyaclar və növbəti addımlar” adlı beynəlxalq konfransda jurnalistlərə müsahibəsində bildirib.

"İyunun 27-də Aİ liderləri, prezidentləri və baş nazirləri Brüsseldə görüşərək, Aİ-nin növbəti dövr üçün strateji gündəliyini razılaşdıraraq bəzi mühüm qərarlar qəbul etdilər. Onlar Aİ-nin gələcək liderləri ilə bağlı razılığa gəldilər, Ukraynanın müdafiəsinə dair qəti öhdəliyimizi təsdiq etdilər və təəssüflə qeyd edirəm ki, Gürcüstanın Aİ-yə qəbul prosesini dayandırmağa razılaşdılar. Bu, Avropa Şurasının yekununda çox aydın ifadə olunub. Çox diqqətlə oxuyun. Gürcüstanın hazırkı hakimiyyətinin niyyəti Avropa İttifaqı liderləri üçün aydın deyil. 'Xarici Təsirin Şəffaflığı Haqqında' qanun açıq şəkildə 9 addımdan geriyə doğru bir addımdır. Həmçinin, anti-Qərb və anti-Avropa ritorikası bəyan edilmiş Avropa İttifaqına daxil olmaq məqsədi ilə tamamilə uyğun gəlmir. Təəssüf ki, hazırda Gürcüstanın Avropa İttifaqına qəbulu prosesi dayandırılıb. Bu, həqiqətən də kədərlidir və ürəkağrıdandır," - deyə diplomat bildirib.

Onun sözlərinə görə, Aİ digər namizəd ölkələrlə bağlı əlavə addımlar atır və Aİ Moldova və Ukrayna ilə üzvlük danışıqlarına başlamaq qərarına gəlib.

"Ümid edirəm ki, seçkilərdən sonra, oktyabrdan sonra yeni qurulan hökumət yenidən Avropa İttifaqına daxil olmaq istiqamətində ciddi işə başlayacaq," - deyə Pavel Qerçinski qeyd edib.

ŞƏRH YAZ
1