İnfeksion Patologiya, QİÇS və Klinik İmmunologiya Mərkəzinin Baş direktoru, Tengiz Tsirtsvadze vəfat edib.

Aktual.ge məlumat verir ki, immunoloq, infeksionist, professor, tibb elmləri doktoru, Gürcüstanda HIV/QİÇS xidmətinin qurucusu 76 yaşında həyata gözlərini yumub.

Tengiz Tsirtsvadze Amerika İnfeksion Xəstəliklər Cəmiyyətinin, həmçinin Avropa Klinik Mikrobiologiya və İnfeksion Xəstəliklər Cəmiyyətinin, Avropa Qaraciyər Xəstəliklərini Öyrənmə Assosiasiyasının, Nyu-York Elmlər Akademiyasının üzvü idi. Gürcüstanın İnfeksionistlər, Hepatoloqlar, Parazitoloqlar, Epidemioloqlar və Mikrobioloqlar Elmi Assosiasiyasının vitse-prezidenti, QİÇS, vərəm və malyariya ilə mübarizə üzrə ölkə üzrə Koordinasiya Şurasının üzvü, QİÇS üzrə Beynəlxalq Cəmiyyətin üzvü idi. O, Mükəmməllik Prezident Ordeni və həmçinin Şərəf Ordeni ilə təltif olunmuşdur.

76 yaşında vəfat edən Tengiz Tsirtsvadze daha çox COVID-19 pandemiyası dövründəki fəaliyyəti ilə yaddaşlarda qalmışdı.