İsrail ordusunun Qəzza şəhərində köçkünlərin sığındığı məktəbə hücumu nəticəsində ən azı 100 fələstinli həyatını itirib, onlarla insan isə yaralanıb.

Aktual.ge xəbər verir ki, bu barədə xarici KİV məlumat yayıb.

Məlumata görə, İsrail ordusu, Qəzzanın şərqindəki Əd-Dərac Məhəlləsində qaçqınların sığındığı Ət-Təbiin Məktəbinə hücum təşkil edib. Minlərlə insanın sığındığı məktəbdə yerindən edilmişlərin səhər namazı qıldığı vaxt baş verən hücum nəticəsində ən azı 100 nəfər həlak olub, onlarla insan isə yaralanıb.

İsrailin "The Times of İsrail" nəşri isə AFP-yə istinadla verdiyi məlumat görə, HƏMAS tərəfindən idarə olunan Qəzzanın mülki müdafiə agentliyi, Qəzza şəhərindəki bir məktəbə İsrailin etdiyi hücum nəticəsində ölənlərin sayının 90 ilə 100 arasındadır.

"Ölənlərin sayı artıq 90 ilə 100 arasındadır və onlarla yaralı var. Məktəbi üç İsrail raketi vurdu, burada Fələstinli qaçqınlar sığınmışdılar" , - agentliyin sözçüsü Mahmud Bassal AFP-yə bildirib.

Qəzza hökumətinin media ofisi isə hücumda "100-dən çox şəhid" olduğunu yazıb.