Borjomidə meşədə baş verən meşə yanğını söndürülüb.

Aktual.ge xəbər verir ki, bu barədə Daxili İşlər Nazirliyinin Fövqəladə Hallar İdarəsi məlumat yayıb.

Məlumata görə, yanğının söndürülməsi üçün 150-yə yaxın yanğınsöndürən və 4 helikopter cəlb olunub.

“Bu gün səhər saatlarından etibarən yanğının söndürülməsi prosesinə 4 sərhəd polis helikopteri qatılıb. Yanğınsöndürənlər və xilasedicilər gecə boyu intensiv lokallaşdırma və ləğvetmə işləri aparıblar. Təhlükəsizlik və monitorinq məqsədilə fövqəladə halların idarə olunması xidmətinin nümayəndələri gecə ərzində ərazidə olacaq”, - məlumatda qeyd edilir.