"Gürcü Arzusu" partiyasının proporsional seçki siyahısının ilk hissəsinin açıqlanması yaxın bir həftə ərzində planlaşdırılır, tam siyahı isə 26 sentyabr tarixində təqdim olunacaq.

Aktual.ge xəbər verir ki, bunu Baş nazir İrakli Kobaxidze "İmedi"nin efirində qonaq olarkən bildirib.

O, qeyd edib ki, komandada yenilənmə olacaq.

“Biz siyahını yaxın bir həftə ərzində açıqlamağı planlaşdırırıq. Komandamızda yeniliklər və dəyişikliklər olacaq. Bu, hər dəfə baş verir və bu, siyasətin sağlam tərkib hissəsidir, bu halda da yenilənmə olacaq.

Siyahının tam versiyasına gəldikdə, qəbul olunmuş təcrübəyə görə siyahının təqdim edilməsi məhz hüquqi baxımdan mümkün olan son gündə baş verir və bu, 26 sentyabrda olacaq" , - İrakli Kobaxidze bildirib.