Gürcüstanda son üç ayda benzin 9,3%, dizel isə 4,6% ucuzlaşıb. Daha dəqiq desək, may ayında Platts markalı benzinin bir tonunun qiyməti 849,52 dollar idisə, avqustda bu qiymət 769,73 dollara düşüb. Avro dizelinin qiyməti isə may ayında 743,55 dollar olub, avqustda isə 708,93 dollara enib.

Aktual.ge xəbər verir ki, Gürcüstanda neft idxalçıları yanacağı “Platts” qiymətləri ilə alırlar, bu səbəbdən yerli bazarda benzin və dizelin qiymətlərinin formalaşmasında bu qiymətlərin əhəmiyyətli rolu var.

Benzinin qiymətinin ucuzlaşmasına baxmayaraq, Gürcüstanda yanacaqdoldurma məntəqələrində yanacağın qiyməti son üç ayda əksər hallarda dəyişməyib, hətta bəzi hallarda bahalaşıb.

Bu gün bir sıra yanacaqdoldurma məntəqələrində yanacağın qiymətləri belədir:

SOCAR:

• Nano Super: 3,72 GEL;
• Nano Premium: 3,34 GEL;
• Nano Avro Regular: 3,15 GEL;
• Avro 5 dizel: 3,28 GEL;
• Nano Euro 5 dizel: 3,36 GEL.

Wissol:

• Eko Super: 3,75 GEL;
• Eko Premium: 3,37 GEL (may ayında 3,35 GEL idi);
• Avro Regular: 3,17 GEL;
• Avro dizel: 3,34 GEL;
• Eko dizel: 3,39 GEL;
• Dizel enerji: 3,29 GEL.

Rompetrol:

• Super: 3,77 GEL (may ayında 3,75 GEL idi);
• Avro Premium: 3,38 GEL (may ayında 3,34 GEL idi);
• Avro Regular: 3,23 GEL (may ayında 3,20 GEL idi);
• Avro dizel: 3,43 GEL;
• Avro dizel: 3,33 GEL.

Portal:

• Premium: 2,99 GEL (may ayında 3,09 GEL idi);
• Avro Regular: 2,79 GEL (may ayında 2,89 GEL idi);
• Avro dizel: 3,34 GEL (may ayında 3,44 GEL idi).