"Əgər gürcü xalqı qərbə doğru hərəkət etmək istəsə, buna nail olmaq üçün oktyabr seçkilərindən istifadə edəcək"

Aktual.ge xəbər verir ki, bunu senator James Riş ABŞ Senatında Gürcüstanla bağlı keçirilən dinləmələr zamanı çıxış edərkən deyib.

“Əlimizdə olan məlumatlar bizə deyir ki, zəkaya və analitik bacarıqlara malik insanlar demokratiyanın daha yaxşı həyat olduğu qənaətinə çox tez gəlirlər. Siz gürcülərin əksəriyyətinin Qərbə can atdığını deyəndə mənə ümid verirsiniz. Biz bunu növbəti ayda və seçkilərin nəticələri ilə görəcəyik və bunu seçkiləri izləyən nümayəndə heyətləri də təsdiqləyəcək və uzunmüddətli nümayəndə heyətləri artıq oraya gedib. Əgər gürcü əhalisi və gürcü xalqı haqqında dedikləriniz doğrudursa və həqiqətən də Qərbə doğru hərəkət etmək istəyirlərsə, buna nail olmaq üçün oktyabr seçkilərindən istifadə edəcəklər. Biz bu seçkiləri müşahidə edəcəyik” , - senator söyləyib.