Türk Dünyası Ortaq Əlifba Komissiyası Azərbaycanın paytaxtı Bakıda keçirilən toplantıda 34 hərfdən ibarət Ortaq Türk Əlifbası ilə bağlı razılığa gəlib. Buna uyğun olaraq, türk dövlətləri arasında dil birliyinin möhkəmləndirilməsi və mədəni əlaqələrin dərinləşdirilməsi qərara alınıb.

Aktual.ge xəbər verir ki, Türk Akademiyası və Türk Dil Qurumu ilə birgə təşkil edilən toplantıda Türk Dövlətləri Təşkilatına üzv ölkələrin komissiya üzvlərinin iclası keçirilib. 1991-ci ildə elm adamları tərəfindən təklif edilən Latın əsaslı Ortaq Türk Əlifbası layihəsi, hərtərəfli nəzərdən keçirilib və yenilənib. Yeni əlifba, türk dillərində olan müxtəlif səsləri təmsil edən 34 hərfdən ibarətdir. Hər bir hərf türk dillərində müxtəlif fonetik xüsusiyyətlərə cavab vermək məqsədi daşıyır. Bu yolla müxtəlif türk ləhcələri arasında qarşılıqlı anlaşma və ünsiyyətin asanlaşdırılması məqsəd qoyulmuşdur.

Türkiyə, 29 hərfdən ibarət olan Latın əlifbasından istifadə etməyə davam edəcək. Lakin, Özbəkistan, Qazaxıstan və Azərbaycan kimi Latın əlifbasına keçid prosesində olan türk dövlətləri üçün bu ortaq əlifbanın istinad mənbəyi olacağı qeyd edilib. Ortaq əlifbanın tətbiqi ilə türk dünyasında mədəni qarşılıqlı əlaqənin artacağı və kimlik şüurunun güclənəcəyi gözlənilir. Bu addım, həm də türk dövlətləri arasında siyasi və iqtisadi əməkdaşlığın inkişafına töhfə verəcək. Türk Akademiyası və Türk Dil Qurumu da bütün əlaqədar qurumlara çağırış edib. Buna uyğun olaraq, Ortaq Türk Əlifbasının tətbiqinə dəstək verilməsi xahiş olunur.