26 Yaşlı Beka Jaian 37 yaşlı transseksual, model qadın Kesaria Abramidzenin qətlinə görə saxlanılıb.

Aktual.ge xəbər verir ki, bununla bağlı Daxili İşlər Nazirliyi məlumat yayıb.

Məlumatda bildirilib ki, qətl Kesaria Abramidzenin yaşadığı evdə, soyuq silahla, qarşılıqlı mübahisə zəminində baş verib.

Hüquq-mühafizə orqanlarının əməkdaşları qətli törədən silahı sübut kimi götürüblər. Saxlanılan şəxsi 16 ildən 20 ilədək və ya ömürlük həbs cəzası gözləyir.

"Daxili İşlər Nazirliyinin Tbilisi Polis Departamentinin əməkdaşları isti izlərlə həyata keçirilən operativ tədbirlər və istintaq hərəkətləri nəticəsində, 1998-ci il təvəllüdlü B.J.-ni gender əlaməti üzrə xüsusi qəddarlıqla ağırlaşdırıcı şəraitdə törədilmiş qəsdən adam öldürmə ittihamı ilə saxlayıblar.

İstintaqla müəyyən edilib ki, cari ilin 18 sentyabrında Didi Diğomidə, təqsirləndirilən şəxs mübahisə zəminində, 1987-ci il təvəllüdlü K.A.-ya öz yaşayış evində soyuq silahla çoxsaylı zərbələr vuraraq hadisə yerindən qaçıb.

Yaralanmış K.A. aldığı xəsarətlər nəticəsində hadisə yerində dünyasını dəyişib. Hüquq-mühafizə orqanlarının həyata keçirdiyi istintaq hərəkətləri nəticəsində, cinayətkar isti izlərlə saxlanılıb.

İstintaq Cinayət Məcəlləsinin 109-cu maddəsinin “t” və “m” bəndləri üzrə aparılır, bu isə gender əlaməti üzrə xüsusi qəddarlıqla ağırlaşdırıcı şəraitdə törədilmiş qəsdən adam öldürməni nəzərdə tutur" , - DİN tərəfindən yayılan məlumatda deyilir.