Gürcüstanda güclü küləyin əsəcəyi gözlənilir. Gürcüstanın şərqində havanın temperaturu +23° isti olacaq.

Aktual.ge xəbər verir ki, bu barədə Milli Ətraf Mühit Agentliyindən bildirilig.

Məlumata əsasən, Qərbi Gürcüstanda buludluluğun vaxt keçdikcə artacağı gözlənilir. Günün sonunda bəzi yerlərdə qısamüddətli yağış yağacağı, şimşək çaxacağı ehtimalı var. Şərq küləyi 10-15 m/s, gün ərzində ayrı-ayrı yerlərdə arabir güclənəcək 17-22 m/s. Havanın temperaturu: düzənlikdə gündüz +26, +31°; dağlarda gündüz +23, +28°; Yüksək dağlıq ərazilərdə gecə 3, 8, gündüz 17, 22 dərəcə isti olacaq.

Şərqi Gürcüstanda - vaxt keçdikcə buludluluq artır. Bəzi yerlərdə qısamüddətli yağış yağacağı, duman olacağı gözlənilir. Şərq küləyi 10-15 m/s, gün ərzində ayrı-ayrı yerlərdə arabir güclənəcək 17-22 m/s. Havanın temperaturu: Düzənliklərdə gündüz +18, +23°; dağlarda gündüz +18, +23°; Yüksək dağlıq ərazilərdə gündüz +13, +18° isti.

Tbilisidə qısamüddətli yağış yağacağı, şimşək çaxacağı gözlənilir. Havanın temperaturu +21°-yə çatacaq.