Ürəkləri dağlayan ağır yol-nəqliyyat hadisəsi nəticəsində 2 nəfər ölüb, bir nəfər isə ağır yaralanıb.

Aktual.ge məlumat verir ki, hadisə bu gün günün ikinci yarısında Laqodexi Bələdiyyəsinin Gelati kəndi yaxınlığında baş verib.

Hadisə şahidlərinin sözlərinə görə, həddindən artıq sürətlə hərəkət edən yüngül avtomobillər toqquşub. Toqquşma nəticəsində 60 yaşlı kişi yerindəcə, bir nəfər isə xəstəxanaya aparıldıqdan sonra dünyasını dəyişib. Daha bir sərnişin isə ağır yaralanıb. 

Faktla bağlı araşdırma aparılır.