Gürcüstanda həbs cəzası çəkən əcnəbilərin 110-u Azərbaycan vətəndaşıdır. Aktual.ge verir ki, bu barədə Gürcüstanın Milli Statistika İdarəsinin sentyabr ayı üzrə hesabatında bildirilib. Gürcüstan həbsxanalarında saxlanılan Azərbaycan vətəndaşlarının sayı aylıq müqayisədə 3 nəfər artıb. İttiham olunanların sayı 15 nəfərdir ki, onların 9-u kişi, 2-si qadın, 4-ü isə yeniyetmədir. Məhkumların sayı isə 84-i kişi, 11-i qadın olmaqla 95 nəfər təşkil edir. Gürcüstanda probasiya nəzarətində olan Azərbaycan vətəndaşlarının sayı aylıq müqayisədə 1 nəfər artıb. Hazırda həmin vətəndaşların sayı 30 nəfər təşkil edir ki, onların 29-u kişi, 1-i qadındır.