Marneuli Bələdiyyəsinin Qızılhacıkı kəndindəki 74 saylı seçki məntəqəsində baş verən insidentlə bağlı Daxili İşlər Nazirliyi istintaqa başlayıb.

Bu barədə Aktual.ge xəbər portalına DİN-dən məlumat verilib.

Bildirilib ki, hadisə ilə bağlı Cinayət Məcəlləsinin 126-cı maddəsi ilə istintaq başlayıb.

Qeyd edək ki, Qızılhacılı kəndində günün birinci yarısında 74 saylı seçki məntəqəsində "Gürcü Arzusu"nun tərəfdarları ilə müxalif "Vahid Milli Hərəkat"ın tərəfdarları arasında fiziki qarşıdurma baş verib. Nəticədə, "Vahid Milli Hərəkat" partiyasının Marneuli qərargah rəhbəri Azad Kərimov ağır xəsarət alıb, o cümlədən Marneuli Bələdiyyə Məclisinin Qızılhacılı kəndindən majoritar deputatı Ceyhun Çovdarov yungül xəsarət alıb.