“Dünya səsimizi eşitsin” - Genişmiqyaslı aksiyaya 4 saat qalıb. Səhnə qurulacaq, səs gücləndiriciləri quraşdırılacaq.

Aktual.ge xəbər verir ki, müxalifət vətəndaşları mitinqə çıxmağa çağırır.

“Güclü Gürcüstan”ın lideri Badri Caparidze deyir ki, hazırda gürcü xalqının dinc etirazı vacibdir ki, avropalı tərəfdaşlar da Gürcüstanı dəstəkləmək üçün daha çox səy göstərsinlər.

"Bizim güclü dəstəyimiz var və dostlarımız Gürcüstanda hakimiyyətin 26 oktyabrda bizim vətəndaşlarımıza qarşı zorakılıq tətbiq etməsini  qəbul etməyəcəklər. Lakin bu ölkənin taleyi gürcü xalqından asılıdır. Ona görə də sonda, təbii ki, gürcü xalqının dinc etirazı daha çox dəstək və tərəfdaşlarımızdan daha çox dəstək tələb edir, - Badri Caparidze deyir.

“Dəyişiklik naminə” koalisiyasının liderlərindən biri olan Zura Caparidze Avropa nümayəndə heyətinin aksiyada iştirakının vacibliyindən danışır. Onun sözlərinə görə, bu bir daha onu göstərir ki, Gürcüstanın Avropaya inteqrasiyası uğrunda ölkədə mübarizə davam edir.

"Bütün etirazlar önəmlidir. Qonaqlarımızın gəlməsi faktı odur ki, onların arasında bu adamlar da Gürcüstanın illər, hətta onilliklər boyu ölkəni Avropa İttifaqına və NATO-ya yaxınlaşdırmaq üçün əsas lobbiçilərinin bir hissəsi olublar. Yenədə onların gəlib iştirak etmələri yaxşı haldır, çünki bu ölkədə mübarizə davam edir və burada yaşayan insanlar var. Əksəriyyəti oktyabrın 26-da öz iradəsini ifadə edib, bu seçkilərdə qalib gəlib, seçki oğurluğuna dözməyəcək və azadlıq uğrunda mübarizəyə davam edəcəklər, - Zura Caparidze deyir.

Xatırladırıq ki,  bu gün parlamentin qarşısında aksiya elan edilib. Aİ nümayəndə heyətinin aksiyaya qoşulacağı artıq məlumdur.