NATO, Rusiya Prezidenti Vladimir Putinin nüvə doktrinasını imzalamasından sonra hərəkətə keçərək, çərşənbə axşamı Ukraynanın da iştirak edəcəyi növbədənkənar iclas keçirəcəyini elan edib.

Aktual.ge Türkiyə mətbuatına istinadən xəbər verir ki, çərşənbə axşamı NATO-nun növbədənkənar iclasında tam olaraq nələrin müzakirə ediləcəyi açıqlanmasa da, toplantıda Ukraynanın da iştirak edəcəyi bildirilib.

Görüşün Brüsseldə baş tutacağı gözlənilir.

Nələr baş verir?

Ukraynanın ABŞ və Böyük Britaniya istehsalı raketlərlə iki gün ardıcıl olaraq Rusiyaya hücumlarından sonra Rusiya Prezidenti Vladimir Putin 21 noyabr tarixində kamera qarşısına keçərək açıqlama verib.

Açıqlaması ilə Qərbə ultimatum verən Putin deyib: "Qərb gərginliyi artırmağa davam edərsə, biz də cavab verəcəyik. Qərbin təxribatları ilə başlayan Ukraynadakı münaqişə qlobal xarakter alıb".