Güclü qar yağışına görə dövlət əhəmiyyətli Kutaisi (Mocameta)-Tqibuli-Ambrolauri avtomobil yolunun km39-km62 (Nakerala aşırımı) hissəsində qoşqulu və yarımqoşqulu nəqliyyat vasitələrinin hərəkəti müvəqqəti olaraq məhdudlaşdırılıb. Digər növ nəqliyyat vasitələrinin hərəkəti isə sərbəstdir.

Aktual.ge xəbər verir ki, bu barədə Avtomobil Yolları Departamenti məlumat verib.

Bildirilib ki, yolunun qalan hissələrində nəqliyyat vasitələrinin hərəkəti tam sərbəstdir.

Bundan əlavə, güclü qarla əlaqədar daxili dövlət əhəmiyyətli Saçxerü (Sareki)-Uzunta-Sxmeri-Zudali yolunda qoşqu və yarımqoşquların hərəkəti müvəqqəti məhdudlaşdırılıb, digər növ avtonəqliyyat vasitələrinin hərəkəti sərbəstdir.

Qar yağışına görə dövlət əhəmiyyətli Jinvali-Barisaxo-Şatili avtomobil yolunun km60-km106 (Gudani-Şatili) hissəsində bütün növ nəqliyyat vasitələrinin hərəkəti qadağan edilib.

Bununla yanaşı, km53-km59 (Korşa-Gudani) hissəsində yalnız yüksək keçid qabiliyyətinə malik (iki və daha çox aparıcı oxlu) nəqliyyat vasitələrinin hərəkətinə icazə verilir, digər növ nəqliyyat vasitələrinin hərəkəti isə qadağandır.

Avtomobil yolunun km1-km52 (Jinvali-Korşa) hissəsində nəqliyyat vasitələrinin hərəkəti tam sərbəstdir.