"Gürcüstan hökumətinin “Xarici təsirlərin şəffaflığı haqqında” qanunu müdafiə etməkdə göstərdiyi cəsarət məni heyrətləndirdi".

Aktual.ge xəbər verir ki, bu barədə Rusiya Prezidenti Vladimir Putin "Ria Novstiyə" müsahibəsində deyib.

Putinin sözlərinə görə, o, Gürcüstandakı hadisələri maraqla izləyib.

"Gürcüstanda hadisələr başlayanda, düzünü desəm, bütün bunlara təəccüblə baxırdım və diqqətlə izləyirdim. Bizim Gürcüstan hökuməti ilə heç bir əlaqəmiz yoxdur, tamamilə yoxdur. Amma sadəcə, onların öz fikirlərini müdafiə etmək üçün göstərdiyi cəsarət və xarakter məni heyrətləndirdi. İndi isə bu fikri dəyərləndirmək istəmirəm" , - deyə Putin qeyd edib.