Beynəlxalq münasibətlər və təhlükəsizlik məsələləri üzrə ekspert Tenzqiz Pxaladze 8 yanvar tarixində hakim "Gürcü Arzusu" partiyasının Siyasi Şurasının yaydığı bəyanatı şərh edib.

Aktual.ge xəbər verir ki, o, "Gürcü Arzusu”nun müvafiq bəyanatı ilə tərəfdaşlarla qarşıdurmaya girdiyini söyləyib.

Onun sözlərinə görə, Gürcüstan çox təhlükəli bir mərhələyə daxil olur, burada dövlətçiliyin məhv edilməsi son dərəcə asanlaşır.

“Bu halda ən təhlükəlisi odur ki, bəyanatdan görünür ki, onlar reallıq hissini tamamilə itiriblər. Reallıq hissinin itirilməsi isə ilk növbədə Gürcüstanın milli maraqlarına zərər vurur, çünki biz artıq 30 ildir Gürcüstan dövlətçiliyinin dayanmasına və güclənməsinə səbəb olan tərəfdaşlarımızla qarşıdurmaya gedirik. Bu qarşıdurmaya girməklə biz Gürcüstan dövlətçiliyini dağıdırıq və çox təhlükəli bir mərhələyə daxil oluruq. Bu mərhələdə dövlətçiliyin məhv edilməsi son dərəcə asan olur, lakin bu, bəyanatda haqqında danışılan uydurma düşmən tərəfindən deyil, tamamilə adı çəkilməyən bir ölkə tərəfindən baş verir - mən Rusiya Federasiyasını nəzərdə tuturam,” - deyə Tenzqiz Pxaladze bildirib.

Qeyd edək ki, 8 yanvar tarixində "Gürcü Arzusu" partiyasının Siyasi Şurasının verdiyi bəyanatda vurğulanıb ki, gürcü xalqı heç bir sanksiyalar bahasına Gürcüstanın ukraynalaşdırılmasına imkan verməyəcək.

"Gürcüstan bu vaxta qədər böyük səylər və barışmaz mübarizə nəticəsində Ukrayna ssenarisindən qurtula bilsə də, sülh uğrunda mübarizə davam edir və bu mübarizə sona çatdırılacaq. Nə qədər ki, Ukraynada birinci cəbhə var, ikinci cəbhənin Gürcüstanda açılması marağı həmişə olacaq. Qlobal Müharibə Partiyasının sifarişi və “Dərin Dövlət”in əli ilə konkret dövlətlərin gürcü siyasətçi və məmurlarına qarşı tətbiq etdiyi sanksiyalar da bununla bağlıdır. Gürcü xalqı sağ qalmaq və Gürcüstanın ukraynalaşmasının qarşısını almaq üçün sona qədər mübarizə aparmalıdır” , - bəyanatda deyilir.