2025-ci ilin yanvarında Gürcüstanda inflyasiya əvvəlki ayla müqayisədə 0,4%, illik inflyasiya isə 2% təşkil edib.

Aktual.ge xəbər verir ki, bu barədə Milli Statistika Xidməti məlumat yayıb.

Baza inflyasiyaya gəlincə, məlumata görə, sözügedən göstərici 2025-ci ilin yanvar ayında ötən ilin müvafiq dövrü ilə müqayisədə 2,1% təşkil edib, tütün istisna olmaqla illik baza inflyasiya səviyyəsi isə 2% müəyyən edilib.

2025-ci ilin yanvar ayında illik qiymət artımı ən yüksək olan məhsullar arasında 88,3% qiymət artımı ilə yaşıllıq birinci, badımcan və sarımsaq ikinci yerdədir.

Statistikaya əsaslanaraq bu ilin yanvar ayında ən çox bahalaşan məhsulların siyahısı aşağıdaki kimidiri:

Yaşıllıq/Göy tərəvəz- 88,3%

Badımcan - 74,8%

Kələm - 62,8%

Sarımsaq - 35,5%

Kivi - 35,3%

958 nümunə qızıl nışan üzüyü - 27,7%

Yaşıl lobya - 24,4%

Düyü - 20,2%

Pomidor - 20%