Batumi Şəhər Məhkəməsində “Batumelebi” və “Netgazeti” nəşrlərinin təsisçisi Mziya Amağlobelinin inzibati hüquq pozuntusu işi üzrə məhkəmə iclası keçirilir.

Aktual.ge xəbər verir ki, bu gün keçirilən iclasda şahidlərin dindirilməsi və sübutların araşdırılması nəzərdə tutulub.

Mziya Amağlobeli məhkəmə prosesində uzaqdan iştirak edir.

Xatırladaq ki, o, Batumidə polis idarəsinin qarşısında keçirilən etiraz aksiyası zamanı əvvəlcə inzibati qaydada saxlanılıb, lakin təxminən iki saat sonra azadlığa buraxılıb. Lakin azadlığa çıxdıqdan bir neçə dəqiqə sonra yenidən polis idarəsinin yaxınlığında saxlanılıb. İstintaq Mziya Amağlobeliyə qarşı inzibati hüquq pozuntusuna dair ittihamlarla yanaşı, Gürcüstan Cinayət Məcəlləsinin 353-cü maddəsi ilə də ittiham irəli sürüb. Bu maddə polisə hücumu nəzərdə tutur və 4 ildən 7 ilədək azadlıqdan məhrumetmə cəzası ilə nəticələnə bilər.