Bolnisi Bələdiyyəsinin Saraçlı (Mamxuti) kəndində yaşlı qadın evində ölü tapılıb.

Aktual.ge-nin hadisə yerindən verdiyi xəbərə görə, 6 aprel axşam saatlarında tək yaşayan 71 yaşlı qadının meyiti öz evində aşkar edilib.

Kənd sakinləri qadını evdə ölmüş vəziyyətdə tapdıqları zaman ətrafda qan izləri gördüklərini bildiriblər. İddia olunur ki, yaşlı qadın qətlə yetirilib.

Hazırda hüquq-mühafizə orqanlarının əməkdaşları və ekspertiza qrupu hadisə yerində araşdırma aparır. Onlar hər-hansı bir versiyadan danışmır və açıqlama vermir. Mənzil sarı lentlə mühasirəyə alınıb və heç kim içəri buraxılmır. Ərazidə istintaq tədbirləri davam etdirilir.