Marneuli-Sadaxlı magistralında ağır yol-nəqliyyat hadisəsi baş verib

Aktual.ge-nin xəbərinə görə, iki "Opel" markalı avtomobil toqquşub.

Əldə edilən məlumata görə, avtomobillərdən biri idarəetməni itirərək yol kənarında dayanan iki piyadaya çırpılıb. Nəticədə, avtomobillərdə olan şəxslər də daxil olmaqla, ümumilikdə 6 nəfər yaralanıb. Müxtəlif dərəcəli bədən xəsarətləri alan yaralılar təcili tibbi yardım vasitəsilə Marneulidəki klinikalardan birinə yerləşdirilib.

Hadisə yerinə polis əməkdaşları və xilasedicilər cəlb olunub.

Patrul polisi hadisə yerində araşdırma aparır.