"Bidzina İvanişvilinin təbliğatçılarından fərqli olaraq, Gürcüstan vətəndaşlarını aldada bilmərəm və aldatmayacağam – vizasız rejimin dayandırılması məsələsi doğrudan da yüksək səviyyədə müzakirə olunur".

Aktual.ge xəbər verir ki, bunu "Vahid Milli Hərəkat"ın sədri Tina Bokuçava söyləyib.

Onun sözlərinə görə, əgər cəmiyyət ümumi səylə birləşməzsə, çox ağır nəticələr baş verə bilər.

"Bidzina İvanişvilinin təbliğatçılarından fərqli olaraq, Gürcüstan vətəndaşlarını aldada bilmərəm və aldatmayacağam. Vizasız rejimin dayandırılması məsələsi doğrudan da yüksək səviyyədə müzakirə olunur. Mən az müddət əvvəl Avropada idim və tam məsuliyyətlə təsdiq edə bilərəm ki, təəssüf ki, bu məsələ Avropada həqiqətən də yüksək səviyyədə gündəmdədir. Amma ümid edirəm ki, biz hökumətin dəyişdirilməsinə vaxt tapacağıq və bu müddət ərzində Bidzina İvanişvilini hakimiyyətdən uzaqlaşdıracağıq. Beləliklə, Avropa İttifaqı Bidzina İvanişvilinin anti-Avropa addımları səbəbindən Gürcüstan vətəndaşlarına verilən bu mühüm üstünlüyü – Aİ-yə vizasız səfər imkanını – yenidən nəzərdən keçirmək məcburiyyətində qalmayacaq",  - müxalif lider qeyd edib.