Qazaxıstan Xarici İşlər Nazirliyi narahatlığını ifadə edib ki, onların vətəndaşlarının Gürcüstana buraxılmaması halları getdikcə daha da artır.

Aktual.ge xəbər verir ki, Diplomatik qurum bildirir ki, onların vətəndaşları Gürcüstanın qanunlarına tam şəkildə əməl edir və ölkəyə, əsasən, turizm məqsədilə daxil olurlar. Buna görə də Astanaya Qazaxıstan vətəndaşlarının ölkədən çıxarılması və deportasiya hallarının artması anlaşılmaz və izahsız görünür.

“Qazaxıstan tərəfi Gürcüstana girişə tez-tez imtina verilməsi və sonrakı deportasiya halları ilə bağlı narahatlığını bildirib”, – deyə Qazaxıstan Xarici İşlər Nazirliyi məlumat verir.

Məktuba cavab olaraq rəsmi Tbilisidən cavab verilib ki, vətəndaşların ölkədən çıxarılması tendensiyası azalıb.