Zuqdididə çoxmənzilli binadakı mənzillərdən birində baş verən yanğın bir nəfərin həyatına son qoyub.

Aktual.ge xəbər verir ki, evdə olan yaşlı qadın, tüstüdən boğularaq həyatını itirib.

Yerli sakinlərin bildirdiyinə görə, ailənin daha bir üzvünün vəziyyəti ağırdır.

Onların sözlərinə görə, həmin şəxs Zuqdidi xəstəxanasından Kutaisiyə – Qərbi Gürcüstanın Fövqəladə Hallar Mərkəzinə aparılıb.

Hadisə yerində bir neçə yanğınsöndürmə-xilasetmə briqadası işləyir. Yanğının səbəbi hələlik məlum deyil.

Mənbə: İPN