Tornike Rijkvadze özünə qəsd etməzdən əvvəl məktub yazıb

Aktual.ge-nin məlumatına görə, məktub Rijkvadzenin cibindən tibb işçiləri tərəfindən tapılıb.

Məktubda Tornike Rijkvadze bir sıra vacib məsələlərə toxunur. O qeyd edir ki, ona qarşı korrupsiya və “narkotacirləri”ni himayə etmək kimi ittihamlar irəli sürülürdü. Acara hökumətinin keçmiş sədri məktubunda Bidzina İvanişviliyə və İrakli Kobaxidzeyə müraciət edərək ailəsinin qorunmasını xahiş edir.

Rijkvadze məktubda həmçinin vurğulayır ki, bütün əməkdaşları və yaxın ətrafı günahsızdır və onların hər biri yalnız “onun göstərişi ilə” hərəkət edib.

O, Aleksandre Axvlediani haqqında da minnətdarlıqla və müsbət fikirlərlə yazır və qeyd edir ki, məhz onun silahı ilə özünə qəsd edib.