26–27 iyul tarixlərində Gürcüstanda yüksək temperatur fonunda bəzi bölgələrdə yağış yağacağı, həmçinin şimşək və dolu ehtimalı da mümkündür.

Aktual.ge xəbər verir ki, bu barədə Milli Ətraf Mühit Agentliyi məlumat yayıb.

"Tbilisidə 26 iyulda qısamüddətli yağış və şimşək gözlənilir, 27–28 iyulda isə hava isti və yağıntısız olacaq. Günorta saatlarında hava temperaturu +35, +37°C olacaq.

Sahilyanı bölgələr - Batumi, Kobuleti, Anaklia və Potidə 26 iyulda bəzi yerlərdə yağış gözlənilir, 27–28 iyulda isə hava yağıntısız olacaq. Temperatur +31, +33°C təşkil edəcək.

Rustavi, Bolnisi, Marneuli, Qardabani, Qori, Tskhinvaldə 26–27 iyulda bəzi yerlərdə qısamüddətli yağış, şimşək və dolu ehtimalı var. 28 iyulda isə isti və yağıntısız hava gözlənilir. Temperatur +34, +38°C olacaq" , - bildirilib.