Marneuli rayonunun bazarında Azərbaycanın haqlı mübarizəsində əldə etdiyi qələbə böyük sevinclə qeyd olunur. Aktual.ge xəbər verir ki, Azərbaycanın Prezidenti İlham Əliyevin gecə saatlarında verdiyi qələbə müjdəsi səhər Kvemo Kartli bölgəsinin Marneuli rayonunun böyük bazarında böyük sevinclə qeyd edilib. Belə ki, satıcılar bazarın bir hissəsini qapadaraq Azərbaycan, Gürcüstan və Türkiye bayraqları asaraq şirniyyat süfrəsi açıb şənlik keçiriblər. Şənlik mərasiminin təşkilatçılarından biri olan Rəşad Kələyev deyib: "Bu gün Azərbaycanın qələbəsini biz qeyd edirik. Qələbə Azərbaycanındır, qələbə Türkiyə Azərbaycanındır".