Sentyabrın 3-4-də Gürcüstanda arabir yağış və şimşək gözlənilir, bəzi yerlərdə güclü olacaq, dolu düşməsi, küləyin güclənməsi mümkündür.

Aktual.ge xəbər verir ki, bu barədə Milli Ətraf Mühit Agentliyi məlumat verib.

Qeyd olunub ki, dənizdə 3–4 ballıq fırtınalı dalğalanma proqnozlaşdırılır.

"Gözlənilən yağıntılar Gürcüstanın kiçik çaylarında daşqınlara, həmçinin təpəlik və dağlıq ərazilərdə sürüşmə və sel proseslərinin yaranıb-aktivləşməsinə səbəb ola bilər" , - əhaliyə edilən xəbərdarlıq məlumatında bildirilib ki, təhlükə səviyyəsi ortadır.