"Apple"in iPhone 17 flaqman xəttini təqdim etməsinə cəmi bir neçə gün qalıb və bazar analitiklərinin ümumilikdə yeni modellərin qiymətlərinin artacağını gözləməsinə baxmayaraq, son hesabat göstərir ki, ola bilsin, yeni modellər bahalaşmasın.

Aktual.ge xəbər verir ki, JPMorgan iPhone 17 xəttində qiymətlərin cüzi və ya ümumiyyətlə artmayacağını proqnozlaşdırır. Cüzi artım isə yalnız iPhone 17 Pro və iPhone 17 Air modellərinə aiddir, onların qiymətləri bir qədər yüksələcək.

iPhone 17-nin yeni modelləri bahalaşacaqmı?

JPMorgan-ın proqnozlarının tam siyahısı belədir:

iPhone 17: 799 dollar (qiymət artımı yoxdur)

iPhone 17 Air: 899–949 dollar (ya artım yoxdur, ya da maksimum 50 dollar artım)

iPhone 17 Pro: 1,099 dollar (100 dollar daha baha, amma daha yüksək başlanğıc yaddaşla)

iPhone 17 Pro Max: 1,199 dollar (artım yoxdur)

Yekun olaraq, qiyməti mütləq artacaq yeganə model iPhone 17 Pro olacaq. Əgər JPMorgan-ın gözləntiləri təsdiqlənsə, böyük ehtimalla iPhone 17 xəttinin qiymətləri ötən ilin iPhone 16 seriyası ilə eyni olacaq – yalnız Pro modellərinin yaddaş seçimlərində kiçik dəyişikliklər olacaq.

Məsələn, əvvəlki modellərdə – o cümlədən iPhone 16 Pro 128GB-ın qiyməti 999 dollar idi, 256GB versiyası isə 1,099 dollara satılırdı. Artıq məlumdur ki, yeni modellər arasında narıncı rəngli iPhone da olacaq, həmçinin mavi rəngli flaqman geri qayıdacaq. Digər modellər isə ənənəvi olaraq qara və boz rənglərdə təqdim ediləcək.

Qeyd edək ki, iPhone 17, "Apple Watch" və digər yeni cihazları Apple 9 sentyabrda keçiriləcək tədbirində təqdim edəcək.