Gürcüstan milli futbol komandası 2026-cı il dünya çempionatının seçmə mərhələsinin qrup oyunlarının ikinci qarşılaşmasını Bolqarıstana qarşı keçirəcək.

Aktual.ge xəbər verir ki, matç Tbilisidə, "Dinamo" Arenada saat 17:00-da başlayacaq.

Milli komanda ilk oyunu Türkiyəyə qarşı keçirib və məğlub olub.

Ümumilikdə 6 turluq seçmə mərhələdə Gürcüstan millisi E qrupunda Türkiyə, İspaniya və Bolqarıstana qarşı mübarizə aparır. Qrupda birinci yeri tutan komanda Kanada, Meksika və ABŞ-da keçiriləcək dünya çempionatına birbaşa vəsiqə qazanacaq. İkinci yeri tutan isə mundial uğrunda mübarizəni pley-off mərhələsində davam etdirəcək.