2026-cı ilin yanvar ayından etibarən yaşa görə pensiya artırılacaq.

Aktual.ge xəbər verir ki, bu barədə 2026-cı il dövlət büdcəsi layihəsində qeyd olunub.

Sənədə əsasən, gələn ildən 70 yaş və yuxarı şəxslərin pensiyası 45 lari artırılaraq 495 lari olacaq. Həmin kateqoriyaya aid olan dağlıq ərazilərdə yaşayan pensiyaçılar isə demək olar ki, 594 lari alacaqlar.

70 yaşınadək olan şəxslərin pensiyası isə 20 lari artırılaraq 370 lari olacaq, dağlıq ərazilərdə isə bu məbləğ 444 lari təşkil edəcək.

Pensiyadan əlavə, ağır dərəcədə əlilliyi olan və 18 yaşadək əlilliyi olan şəxslərin sosial müavinəti 45 lari artırılacaq, digər kateqoriyalara aid əlillərin isə 20 lari artırılacaq.

Bundan əlavə, ölkənin əsas maliyyə sənədi layihəsinə görə, 2026-cı ildə Səhiyyə və Sosial Müdafiə proqramlarının maliyyələşdirilməsi üçün nazirliyin büdcəsi 800 milyon laridən çox artırılacaq.

Məlumat üçün bildirək ki, hazırda Gürcüstanda 70 yaşınadək şəxslərin pensiyası 350 lari, dağlıq ərazilərdə isə 420 lari təşkil edir. 70 yaş və yuxarı şəxslərin pensiyası 450 lari, həmin kateqoriyadan olan dağlıq ərazilərdə yaşayan pensiyaçılar isə təxminən 540 lari alır.