Gürcüstan Daxili İşlər Nazirliyinin Miqrasiya Departamentinin əməkdaşları, nazirliyin müvafiq bölmələri ilə sıx koordinasiyada, 121 xarici ölkə vətəndaşını Gürcüstan ərazisindən çıxarıb.

Aktual.ge xəbər verir ki, bu barədə Daxili İşlər Nazirliyi məlumat yayıb.

Nazirliyin məlumatına görə, keçən ay ərzində həyata keçirilən kompleks tədbirlər nəticəsində ölkədən çıxarılan şəxslər arasında Hindistan, İran, Türkiyə, Pakistan, İraq, Misir, Livan, Mərakeş, Filippinlər, İordaniya, Banqladeş, Çad, Kot-d’İvuar, Rumıniya, Rusiya, Nigeriya və digər ölkələrin vətəndaşları olub — ümumilikdə 121 nəfər.

Mövcud qanunvericiliyə əsasən, həmin şəxslərə Gürcüstana daxil olmaq qadağan edilib.

Nazirlik bildirir ki, Miqrasiya Departamenti ölkə daxilində qanunsuz miqrasiyaya qarşı mübarizəni həyata keçirən məsul qurumdur. Departamentin səlahiyyətlərinə Gürcüstanda hüquqi əsas olmadan yaşayan xarici vətəndaşların müəyyən edilməsi və onların ölkədən çıxarılması daxildir.