Batumiyə doğru gedən sürücülərə xəbərdarlıq: yolun 121-ci kilometrliyində yerləşdirilmiş sürətkamerası son üç gündə çoxsaylı cərimələrin verildiyi barədə sosial mediada paylaşımlar yayılıb.

Aktual.ge xəbər verir ki, sosial şəbəkə və yerli qruplarda yayılan məlumatlara görə, kameranın qoyulduğu ərazidə sürət həddi 70 km/saat olaraq qeyd olunur və bu həddi aşan sürücülərə 300 lari məbləğində cərimə tətbiq olunur. Paylaşımlarda bildirilir ki, yalnız son üç gündə eyni məqamda yüzlərlə avtomobil kameraya düşərək cərimələnib; bəzi postlarda bir gündə 200-ə yaxın avtomobilin cərimələndiyi iddia edilir.

Sürücülərin verdiyi şifahi açıqlamalardan birində deyilir: “Mən 100 km/saat sürətlə getmişəm, lakin kamera məni 161 km/saat göstərib və 300 lari cərimə yazıblar.” Sosial mediada bu və oxşar şikayətlərdən onlarla paylaşıma rastgəlinib.

Məsələ ilə bağlı rəsmi qurumlardan hələlik açıqlama verilməyib.