2026-cı il dövlət büdcəsi layihəsinin son variantına əsasən, Təhsil, Elm və Gənclik Nazirliyinin maliyyələşməsi 2 702,2 milyon lari məbləğində müəyyən edilib ki, bu da layihənin əvvəlki versiyasında nəzərdə tutulan məbləğdən 89,6 milyon lari çoxdur.

Aktual.ge xəbər verir ki, sənəddə qeyd olunub:

“Məlum olduğu kimi, 2025-ci il sentyabrın 1-dən etibarən Təhsil və Elmi İnfrastrukturun İnkişafı Agentliyi ləğv edilib və onun funksiyaları Gürcüstanın İnfrastruktur Nazirliyi və Regional İnkişaf Nazirliyi arasında bölüşdürülüb. Buna görə də Təhsil, Elm və Gənclik Nazirliyi üçün 2025-ci ildə nəzərdə tutulan proqramların maliyyələşməsi 2026-cı ildən etibarən yuxarıda qeyd olunan nazirliklərdə nəzərdə tutulub. Ümumilikdə, həmin proqramlar da daxil olmaqla təhsil, elm və gənclik üzrə ayrılan vəsaitlərin ümumi məbləği 2026-cı ildə 3 344,2 milyon lari təşkil edəcək ki, bu da əvvəlki layihə versiyası ilə müqayisədə 115,4 milyon lari çoxdur”.

Bununla yanaşı, məktəbəqədər və ümumi təhsilə 1 923,0 milyon lari xərclənəcək ki, bu da əvvəlki versiyada nəzərdə tutulan məbləğdən 37,1 milyon lari artıqdır.

İzahda bildirilir ki, artırılmış maliyyələşmə çərçivəsində parlament müzakirələri zamanı verilmiş təkliflərə uyğun olaraq dövlət məktəblərinin inzibati heyətinin, məktəb tibb bacılarının və mandaturların əməkhaqlarının əvvəlki 10% deyil, 20% artırılması nəzərdə tutulub;

Peşə təhsili üçün 229,3 milyon lari ayrılıb (14,4 milyon lari artım);

Ali təhsil üçün — 196,0 milyon lari (4,0 milyon lari artım); elmi və elmi-tədqiqat fəaliyyətinin təşviqi üçün — 90,4 milyon lari; inklüziv təhsil üçün — 101,3 milyon lari (8,5 milyon lari artım); gənclərin dəstəyi üçün — 21,5 milyon lari (5,9 milyon lari artım).

Mədəniyyət Nazirliyinə gəlincə, maliyyələşmə əvvəlki layihə ilə müqayisədə 42,3 milyon lari artırılaraq 364,8 milyon lari müəyyən edilib. Bu vəsait əsasən aşağıdakı proqramlara yönəldiləcək:

İncəsənət sahəsində ali təhsil — 23,8 milyon lari (0,6 milyon lari artım); infrastrukturun inkişafı, 40,0 milyon lari; incəsənət müəssisələrinin dəstəyi, 8,6 milyon lari (0,3 milyon lari artım); mədəniyyətin inkişafının təşviqi, 188,2 milyon lari (32,1 milyon lari artım);

Mədəni irsin qorunması və muzey sisteminin təkmilləşdirilməsi — 90,6 milyon lari (7,5 milyon lari artım).

İdman Nazirliyinin maliyyələşməsinə əlavə olaraq 29,9 milyon lari ayrılıb və ümumi məbləğ 325,3 milyon lari təşkil edir. Bu vəsait əsasən aşağıdakı proqramlara xərclənəcək:

Kütləvi və yüksək nailiyyətli idmanın inkişafı və populyarlaşdırılması — 259,6 milyon lari (28,7 milyon lari artım); infrastrukturun inkişafı, 10,0 milyon lari; idman müəssisələrinin dəstəyi, 6,4 milyon lari; idman xadimlərinin sosial müdafiə tədbirləri, 42,0 milyon lari.