Sərhəd Polisinin əməkdaşları Batumi şəhərində yerləşən “Sarpi” sərhəd sektorunda Gürcüstanın dövlət sərhədini qanunsuz keçməyə cəhd edən üç xarici vətəndaşı saxlayıblar.

Aktual.ge xəbər verir ki, saxlanılan şəxslər 1973, 1976 və 1992-ci il təvəllüdlüdür.

Məlumata görə, onlar sərhəd-keçid məntəqəsini yan keçərək Gürcüstandan Türkiyə istiqamətində qanunsuz şəkildə keçməyə cəhd göstəriblər.

Faktla bağlı araşdırma aparılır. Cinayət işi Gürcüstan Cinayət Məcəlləsinin 19-344-cü maddəsinin ikinci hissəsinin “a” bəndi üzrə başlanıb. Sözügedən maddə 5 ilədək azadlıqdan məhrumetmə cəzasını nəzərdə tutur.