Bu gün Tbilisinin Marjanişvili prospektində baş verən qətl faktı ilə bağlı Daxili İşlər Nazirliyi bir nəfəri saxlayıb.

Aktual.ge xəbər verir ki, qurumun məlumatına görə, saxlanılan şəxs 1991-ci il təvəllüdlüdür.

“Daxili İşlər Nazirliyinin Tbilisi Polis Departamentinin əməkdaşları qəsdən adam öldürmə ittihamı ilə 1991-ci il təvəllüdlü A.D.-ni saxlayıblar.

İstintaqla müəyyən edilib ki, təqsirləndirilən şəxs cari ilin 14 yanvar tarixində Tbilisidə kəsici-deşici alətdən istifadə edərək 1987-ci il təvəllüdlü M.T.-yə ölümcül xəsarətlər yetirib və hadisə yerindən qaçıb.

Hüquq-mühafizə orqanları tərəfindən keçirilən operativ tədbirlər və istintaq hərəkətləri nəticəsində cinayətdə təqsirləndirilən A.D. hadisədən qısa müddət sonra, isti izlərlə saxlanılıb.

Faktla bağlı istintaq Cinayət Məcəlləsinin 108-ci maddəsi ilə aparılır ki, bu da 15 ilədək azadlıqdan məhrumetmə cəzasını nəzərdə tutur”, - məlumatda deyilir.

Foto: IPN