Yaşayış minimumu bir ay ərzində 255,4 laridən 250,9 lariyədək azalıb.

Aktual.ge xəbər verir ki, Milli Statistika Xidmətinin 2025-ci ilin dekabr ayına dair məlumatlarına görə, ölkədə orta istehlakçının yaşayış minimumu 2025-ci ilin noyabr ayı ilə müqayisədə 4,5 lari azdır.

Məlumata əsasən, 2025-ci ilin dekabr ayında orta istehlakçının yaşayış minimumu 250,9 lari təşkil edib. Bu göstərici noyabr ayında 255,4 lari, 2024-cü ilin dekabrında isə 230,5 lari olub.

Əmək qabiliyyətli yaşda olan kişi üçün yaşayış minimumuna gəldikdə, 2025-ci ilin dekabr ayının məlumatlarına görə bu rəqəm 283,3 lari təşkil edib. Noyabr ayında bu göstərici 288,4 lari, 2024-cü ilin dekabrında isə 260,3 lari olub.

Qeyd edək ki, yaşayış minimumu minimal ərzaq səbəti əsasında müəyyən edilir. Minimal ərzaq səbəti əmək qabiliyyətli yaşda olan kişinin normal həyatı və fizioloji tələbatlarını ödəmək üçün zəruri olan zülalların, yağların, karbohidratların və kalori miqdarını təmin edən ərzaq məhsullarının normativ həcmini əhatə edir.