Bu gün çox mühüm bir gündür: Fransanın Groupe ADP şirkəti ilə Tbilisi Beynəlxalq Hava Limanının genişləndirilməsi ilə bağlı müqavilə imzalayırıq.

Aktual.ge xəbər verir ki, bu barədə Gürcüstanın Baş naziri İrakli Kobaxidze Tbilisi Beynəlxalq Hava Limanının genişləndirilməsi layihəsinin təqdimatında çıxışı zamanı bildirib.

Hökumət başçısının sözlərinə görə, hava limanının genişləndirilməsi üçün 150 milyon ABŞ dolları həcmində investisiya həyata keçiriləcək. Bu isə sərnişin axınının artmasını, xidmətlərin fasiləsiz şəkildə təkmilləşdirilməsini, sərnişinlər üçün komfortlu və təhlükəsiz mühitin yaradılmasını, sürətli və səmərəli əməliyyat proseslərini, eləcə də beynəlxalq standartlara uyğun müasir sərnişin təcrübəsinin tətbiqini təmin edəcək.

“İmzalanan müqavilə çərçivəsində Groupe ADP-yə məxsus TAV şirkəti Vaziandə Tbilisinin yeni beynəlxalq hava limanının tikintisi başa çatana qədər, yəni 2031-ci ilin sonunadək, hava limanının idarə edilməsini əlavə 5 il müddətinə təmin edəcək. Genişləndirmə üçün həyata keçiriləcək 150 milyon dollarlıq investisiya hava limanının buraxılış qabiliyyətini əhəmiyyətli dərəcədə artıracaq və eyni zamanda sərnişinlərə göstərilən xidmətin keyfiyyətini ciddi şəkildə yaxşılaşdıracaq. Bu investisiya sərnişin axınının artmasını, xidmətlərin davamlı inkişafını, sərnişinlər üçün rahat və təhlükəsiz mühitin yaradılmasını, sürətli və effektiv əməliyyat proseslərini və beynəlxalq standartlara uyğun müasir sərnişin təcrübəsinin formalaşdırılmasını təmin edəcək. Fürsətdən istifadə edərək, Gürcüstan hava limanlarının inkişafı prosesində uzun illər davam edən səmərəli əməkdaşlığa görə xarici tərəfdaşlarımıza — Groupe ADP-yə və TAV şirkətinə xüsusi təşəkkürümü bildirirəm”, - deyə Baş nazir qeyd edib.