Hökumət 2026-cı il ərzində publik hüquqi şəxslərdə (SSİP-lər) və digər dövlət qurumlarında işləyən ştatdankənar əməkdaşların maksimum sayını müəyyən edib.

Aktual.ge xəbər verir ki, müvafiq sərəncamlar Baş nazir İrakli Kobaxidze tərəfindən imzalanaraq, son iki həftə ərzində Hökumət Administrasiyasının rəsmi saytında dərc olunub.

Müəyyən edilmiş limitlər qurumlara görə fərqlənir – ən yüksək say müdafiə qurumları və səhiyyə sistemi üçün, o cümlədən təcili və ilkin tibbi yardım proqramları çərçivəsində nəzərdə tutulub, nisbətən aşağı hədlər isə məhkəmələrə, prokurorluğa və digər inzibati strukturlara tətbiq olunur.

İqtisadiyyat Nazirliyinin mərkəzi aparatı – 56
Səhiyyə Nazirliyi – 205 (işğal olunmuş ərazilərdən məcburi köçkünlər, əmək, səhiyyə və sosial müdafiə sahəsində siyasətin hazırlanması və idarə olunması proqramı çərçivəsində), 9 (nazirlik sisteminə daxil olan tibbi və digər müəssisələrin reabilitasiyası və avadanlıqla təmin olunması proqramı çərçivəsində)
Müdafiə Nazirliyi və onun tabeliyində olan SSİP-lər – 3412
SSİP Bələdiyyələrin İnkişafı Fondu – 210
SSİP Sosial Xidmətlər Agentliyi – 263 (agentliyin aparatında); 476 (sosial cəhətdən həssas ailələrə pul yardımı altproqramı çərçivəsində) və 1 (qrant layihəsi – “Ultra Poor Graduation yolu ilə Gürcüstanda yoxsulluğun aradan qaldırılmasına dəstək” çərçivəsində)
SSİP Levan Samxaraulinin adını daşıyan Milli Məhkəmə Ekspertizası Bürosu – 310
SSİP Gürcüstanın Rəqabət və İstehlakçıların Müdafiəsi Agentliyi – 10
SSİP Gürcüstanın Milli Əqli Mülkiyyət Mərkəzi – 39
SSİP Maliyyə Nazirliyinin Akademiyası – 68
SSİP Maliyyə-Analitik Xidmət – 45
SSİP Fövqəladə Halların Koordinasiyası və Təcili Yardım Mərkəzi – 90 (fövqəladə halların koordinasiyası və təcili yardımın idarə olunması proqramı çərçivəsində) və 5718 (ilkin və təcili tibbi yardımın təmin edilməsi altproqramı çərçivəsində)
QHT Gürcüstan Tibbi Holdinqi – “Kənd həkimi – kənd yerlərində ilkin səhiyyə xidməti” – 2908
SSİP Əmək Müfəttişliyi Xidməti – 22
SSİP Tibbi və Əczaçılıq Fəaliyyətinin Tənzimlənməsi Agentliyi – 300 (o cümlədən 20 vahid – dövlət büdcəsi çərçivəsində, 280 vahid isə – Gürcüstan qanunvericiliyinə uyğun olaraq icazə verilən digər gəlirlər, yəni öz vəsaitləri hesabına)
SSİP Məcburi Köçkünlər, Ekomiqrantlar və Dolanışıqla Təminat Agentliyi – 23 (məcburi köçkünlərin, ekomiqrantların və dolanışıqla təminat proqramı çərçivəsində), 4 (Gürcüstana qayıdan miqrantlar üçün reinteqrasiya yardımı proqramı çərçivəsində), 15 (məcburi köçkünlərin məskunlaşdırılması üçün sosial və yaşayış şəraitinin yaradılması proqramı çərçivəsində), 4 (beynəlxalq müdafiə statusuna malik şəxslərin inteqrasiyasına dəstək proqramı çərçivəsində)
SSİP Gürcüstan Milli Elmlər Akademiyası – 39
SSİP Dövlət Qrantlarının İdarə Olunması Agentliyi – 6
QHT Mərkəzi Qan Bankı Müəssisəsi – 30
Konstitusiya Məhkəməsi – 35
Gürcüstan Prokurorluğu – 168
Ali Məhkəmə – 88

Hökumətin açıqlamasına görə, bu rəqəmlər qurumların il ərzində ştatdankənar əməkdaşları işə götürə biləcəyi maksimum həddi ifadə edir.

Qərar qanunvericiliyə əsasən qəbul edilib və həmin qanunvericiliyə görə ştatdankənar əməkdaşların sayının artırılması hökumətin razılığını tələb edir.