Parlamentdə interpellasiya zamanı Irakli Kobakhidze sosial yardım sistemi barədə danışıb və bildirib ki, sosial müavinət alanların bazası yenilənməyə və təkmilləşdirilməyə ehtiyac duyur.

Aktual.ge xəbər verir ki, COVID pandemiyasından sonra bu məlumatların tam reviziyası aparılmayıb, halbuki yoxsulluq səviyyəsi azalıb.

Baş nazir qeyd edib ki, ilkin təhlil göstərib – sosial yardım alanların bir hissəsi iqtisadi cəhətdən daha yaxşı vəziyyətdədir. Buna görə də bazanın yenilənməsi hökumətin prioritetlərindən biridir.

“COVID dövründə sosial yardım alanların sayı artıb və 2020-ci ildən sonra bazanın yenidən yoxlanmasına moratorium tətbiq olunub. Halbuki yoxsulluq səviyyəsi azaldığı halda sosial yardım alanların sayının artması düzgün deyil.

İlkin təhlil göstərdi ki, 700–800 min sosial yardım alanın təxminən 8%-i imkanlı şəxslərdir. Onların iqtisadi göstəriciləri yoxsulluq həddindən yüksəkdir. Buna görə də sosial yardım alanların bazası yenidən nəzərdən keçirilməlidir. 2020-ci ildən sonra bu sahədə əsaslı dəyişiklik olmayıb və bu məsələ hökumətin prioritetlərindən biridir”, – deyə Kobakhidze bildirib.